Isinulat ni Zacharie Macalalad
Sinuri ni Gng. Myra Jaime
Mga larawan ni Chainne Guevarra

Idinaos ang seremonya ng paggawad sa mga nangibabaw na research groups sa naganap na JBL Scientific Research Symposium sa gymnasium ng Pasay City National Science High School nitong ika-20 ng Marso.

Nahati sa dalawang aktibidad ang programa, ang oral presentation at poster presentation.

Inuwi nina Stephen Blaize L. Gabor, Jasmine Joy E. Ayaton, Achilles V.C. Del Rosario, Arkin Zeus C. Espeso, Ron David A. Santiago, at Samantha Nicole M. Tandingan, mga mag-aaral sa ika-10 baitang ang karangalan sa Best Oral Presentation sa pamamagitan ng kanilang research study, “In vivo Embryotoxicity of Tsaang-Gubat (Ehretia microphylla Lam.) Leaf Aqueous Extract in Zebrafish (Danio rerio) Embryonic Morphology” na may grado na 89.5.

Habang nakamit naman nina Christianne Leslie P. Gabriel, Athena Tiffany O. Baldovino, Anikka Lexie R. Factor, Christine Reeze N. Fernandez, Joebbie Krizel V. Gaugano, Aliyah V. Lopez, Rianne Dane C. Lopez, at Jane Ashley A. Tuazon, mga mag-aaral sa ika-10 baitang din ang unang pwesto sa Best Poster Presentation sa pamamagitan ng kanilang research study na “Phytochemical Evaluation and Antioxidant Activity of Banuyo (Wallaceodendron celebicum) Leaf Crude Ethanolic Extract”.

Sinundan ito nina Danella Jorin P. De Vera, Angelou Zharise G. Lim, Mary Saleisha E. Llaneta, Maria Ghianella M. Tuquero, at Chloe Althea R. Villaruel gamit ang kanilang study na “Pandan-Co: Thermal Insulation Potential of Pandan (Pandanus amaryllifolius) lignocellulosic fibers hybrid composites through Heat Conductivity Simulation”.

Nakuha naman nina Hannah Mae dC. Basa, Recca Charize C. Imperial, at Francis Nathan D. Taburnal, mula sa ika-11 baitang ang ikatlong pwesto sa best poster presentation sa kanilang pag-aaral “A.L.A.S.S.: Astaxanthin Light-absorbing Coating from Mud Crab (Scylla serrata) Shells Against Blue and Ultraviolet (UV) Light on Acrylic Glass”.

Binigyan ng medalya, sertipiko, at tropeo ang mga nabanggit na nanalo.

Maliban dito, iginawad kina Precious Marlan P. Baldonaza, Raine Ashley H. David, Allan Caine Dela Cruz, Matt Romwin A. Gesu-an, Kris Matthew J. Perez, Ashley Shanelle R. Raborar, at Qhris Mnemosyne D. Roa, mga mag-aaral sa ikasiyam na baitang ang JBL Scientific Award sa kanilang pag-aaral na “Corn (Zea mays) Husk Cellulose Nanofibers for Air Filtration: Development of Potential Air Filter Membrane for Efficient Filtration of Particulate Matter (PM2.5)”.

Ipinagkaloob sa kanila ang P15, 000 research grant na maaari nilang magamit sa susunod na panuruang taon upang paunlarin ang kanilang pag-aaral kasama nito ay mga medalya, sertipiko, at tropeo.

Ayon kay Juan Benigno A. Luarca, may-ari at tagapagtatag ng JBL Scientific, ang JBL Scientific Award ay isa sa mga karangalan na iginagawad niya ng personal, pinili ng mga hurado ang research study na may malaking kahalagahan sa lipunan kaya hatid ng JBL ang P15, 000 research grant upang palawakin ito.

Sa kabuuan, 25 research studies ang lumahok sa research symposium na ito mula ikasiyam hanggang ika-11 baitang.