Isinulat ni Zacharie Macalalad
Sinuri ni Gng. Myra R. Jaime
Larawan nina Mervyn Valdez, Chainne Guevarra, Jasmine Ayaton, Janiree Sanchez
Inilunsad ang kauna-unahang research symposium ng JBL Scientific sa Pasay City National Science High School na dinaluhan ng mga mag-aaral sa ikawalo at ika-11 baitang, mga guro, at ilang mga kawani ng JBL Scientific at ng paaralan.
Pormal na binuksan ni G. Mark Anthony F. Familaran, punongguro ng Pasci, ang programa sa pamamagitan ng kanyang panimulang pananalita.
“To enlighten and innovate our research community,” ‘ika nga ni Dr. Familaran.
Layunin ng symposium na ito na itaguyod ang pakikipagtulungan at makakuha ng tulong sa mga bagay na may kaugnayan sa larangan ng research tulad ng methodology at data analysis.
Nagkaroon ng plenary talk sina Dr. Blessie A. Basilia tungkol sa scientific research paper writing; Engr. Josephine, tungkol sa pag-unawa ng mga kemikal sa research; at G. Menando Marquez tungkol sa iba’t ibang analytical techniques.
Matapos nito, isinagawa sa hapon ang poster presentation ng 20 research studies mula ika-siyam na baitang hanggang ika-11 baitang sa una, ikalawa, at ikatlong palapag ng PCNSciHS.
Nilibot ng mga hurado ang mga poster o project board ng research studies.
Kasabay nito ang oral presentation sa gym ng limang napiling research study mula sa parehong mga baitang:
Ika-siyam na baitang:
Effect of Astaxanthin as an Inhibitor on UV-C light Photodegradation infused in Polystyrene (PS) matrix wastes
Ika-10 baitang:
In vivo Embryotoxicity of Tsaang-Gubat (Ehretia microphylla Lam.) Leaf Aqueous Extract in Zebrafish (Danio rerio) Embryonic Morphology
Fungicidal Activity of Lima-lima (Heptapleurum ellipticum (Blume) Seem.) Leaves Crude Ethanolic Extract Against Aspergillus niger
Ika-11 baitang:
Antihyperlipidemic Potential of Corazon de Maria (Caladium bicolor) Leaves Aqueous Extract on High Cholesterol Diet-Induced Nile Tilapia (Oreochromis niloticus)
PiñaGel: Morphological Analysis of Pineapple (Ananas comosus (L.) Merr) Peels Extract Crosslinked with Polyvinyl Alcohol as a Potential Hydrogel Wound Dressing
Idinaos din ang question and answer portion matapos ang 10-minutong pag-uulat ng bawat grupo.
“To claim is something to prove is another” sambit in Juan Benigno A. Luarca, may-ari at tagapagtatag ng JBL Scientific patungkol sa pagsasagawa ng mga research study.
Naging tagapagdaloy ng palatuntunan si Bb. Maria Theresa L. Estilong, Pasay Chorale naman ang nanguna sa pag-awit sa preliminaries sa pagkumpas ni G. Napoleon A. Anteja Jr. at iba pang mga mag-aaral na naging bahagi ng programa.
Nagtapos ang symposium sa paggawad ng parangal sa pinakamahusay na grupo sa poster at oral presentation at sinundan ng pangwakas na pananalita ni Gng. Sara Jane T. Delos Santos, kawaksing punongguro ng PCNSciHS.
