Republic of the Philippines

Pasay City National Science High School

Schools Division Office - Pasay City

  Sa mundo ng pagsasahimpapawid ng balita, ang grupo ay hindi lamang may iisang layunin. Binubuo ito ng iba’t ibang kuwento at mga pangarap na nais abutin. Sa nalalapit na pag-abot nila sa kanilang mithiin, oras na para atin silang kilalanin. Mula kay Kris Perez, na ang pagsali ay hindi inaasahan ngunit hindi maitatangging isa ito sa mga patimpalak na lubos niyang naramdaman ang kasiyahan. Sa pagsasahimpapawid ng balitang pampalakasan, may iisang kasiguraduhan: ihahatid niya ito nang may tikas at galing, at walang inuurungan. Si Sofia Mañacap, na unang naipamalas ang galing sa *Radio Broadcasting – English, ay determinadong muling maranasan ang RSPC sa pangalawang pagkakataon. Bilang tagahatid ng balita, bukod sa nais niyang magbigay ng impormasyon, ay nais din niyang magsilbing inspirasyon. Si Anikka Factor, na nagpakita ng talento sa iba’t ibang tungkulin sa larangan ng broadcasting—mula pagiging infomercialist, anchor ng TV at Radio Broadcasting, at ngayon bilang Technical Application ng grupo. Sa kaniyang pagsubok sa iba’t ibang responsibilidad, pinatunayan niyang ang kaniyang husay ay isa sa mga susi sa pagkamit ng tagumpay. Si James Lusuegro, ang infomercialist na nagsimula sa ibang kategorya bilang mamamahayag, ay sa murang edad nagbigay-buhay na sa samahan. Kasama niya rito si May Relyn De Paz, na nasasabik na muling sumubok sa patimpalak ng pamamahayag matapos ang anim na taon. Si Ayesha Salazar, ang Anchor 2 at tumatayong patnugot ng kategoryang Broadcasting. Nagsimula siya noong elementarya at kaniyang binitbit ang kaniyang pangalan nang manalong Best Anchor sa buong lungsod ng Pasay. Sa unang pagkakataon, nagdala rin siya ng iba’t ibang karangalan sa RSPC. Natakot man sumubok muli pagkalipas ng ilang taon, pinatunayan niyang ang alapaap ay maaabot kung may pagsisikap. Para sa kaniya, una pa lang, NSPC na ang kaniyang pangarap. At sa malayong sulok ng mundo, nakamit na niya ang bituing nakatakda para sa kaniya. At si Matthew Vitug, ang Anchor 1 at tumatayong direktor ng grupo, ay handa nang iangat ang pangalan ng PaSci Radio Broadcasting – Filipino sa mundo ng RSPC. Mula noon, hindi kumukupas ang kaniyang determinasyon at galing sa larangang ito—sapat upang magkaroon ng puwesto sa DSPC sa loob ng dalawang magkasunod na taon. Ayon sa kaniya, marami man ang nagbago sa grupo, dala pa rin nito ang tapat na balitang magpapatunay na ang korona ay walang iba kundi sa kanila. Bilang Punong Patnugot ng pahayagan, nais niyang makamit ang tagumpay ng buong samahan. Ang mga nagmamay-ari ng iba’t ibang kuwentong ito ay magsasanib-puwersa upang maghatid ng makabuluhang balitang nagpapakita ng tunay na kalagayan ng ating lipunan. Ang grupong ito ay hindi lang basta samahan kundi boses din ng mga mamamayan. Ang bawat hakbang ng Radio Broadcasting – Filipino ay isang paalala na ang pamamahayag ay may kakayahang magbukas ng mga mata, magbigay-lakas sa mga mahihina, at magbigay-liwanag sa bawat bukas. Ipakita ang lakas ng kolektibong tinig at magsilbing boses sa mga hindi naririnig. #HusayNgPaSci #DSPC2025  

  Sila ay nagsisimula pa lamang, ngunit ang kanilang mga mata ay puno ng determinasyong matutuhan ang iba’t ibang aspeto ng larangang kanilang sinalihan. Para kay Althea Loro, ang pagiging bahagi ng DSPC ay hindi inaasahan. Hindi kailanman naging madali ang pagsulat ng lathalain para sa kaniya. Ngunit dahil sa kaniyang determinasyong magsanay, kasama na ang pagtitiwala ng ibang tao, naipakita niya ang kaniyang galing kung kaya’t nagbunga ang kaniyang paghihirap. Kaya’t ngayong muling nagbukas ang pinto ng DSPC para sa kaniya, ang magiging karanasan niya ay nasa gitna ng pagkapanalo, pagkatuto, at pareho. Ayon naman kay Recca Imperial, ang bawat sulat ay daan patungo sa makabuluhang pagpapahayag. Nagsimulang magsulat ng Balitang Pampalakasan noong elementarya, ngayon ay patuloy na hinuhubog ang kaniyang karunungan sa pagsusulat. Para sa kaniya, ito na ang pagkakataon upang mas mapalawak pa ang kaniyang kaalaman. Si Gab Nicolas, ang tagasulat ng balita at tagakuha ng larawan ng grupo, ay naniniwalang ito ang simula ng kaniyang paglalakbay tungo sa kahusayan at tapat na paglilingkod sa katotohanan. Sa kabila ng pagiging baguhan, puno pa rin siya ng determinasyong gamitin ang kaniyang mga natututuhan. Dahil kay Carl Victoria, nailalahad ang mga makatarungang opinyon sa pamamagitan ng kumpas ng kaniyang kamay. Naniniwala siyang ang pagguhit ay isa sa mga elementong makakapagbukas ng isipan ng tao. Dahil sa kaniyang nag-aalab na determinasyon, alam niyang ang paglalarawan ay gagamitin niya bilang sagwan sa dagat ng pagsubok na maaaring dumating ngayong DSPC. Para naman kay Shan Galura, DSPC ang naging daan upang makabuo siya ng mga bagong ugnayan. Ito rin ang nagpabukas sa kaniyang isipan at nagpalalim sa kaniyang kakayahang umunawa. Dahil dito, natutuhan niyang ang tagumpay ay hindi lamang nasusukat sa mga medalya, kundi sa mga aral at karanasang naipon. Kaya’t ngayong DSPC 2025, ituturing niya ito hindi lamang bilang isang kompetisyon, kundi isang pagkakataon upang maipakita ang kahalagahan ng pagiging isang mamamahayag. Ang kanilang pagsisimula ay hindi lamang tanda ng bagong paglalakbay kundi ng isang pangako na maglilingkod nang may katapatan at integridad para sa kapakanan ng bayan. #HusayNgPaSci #DSPC2025  

  Ang bawat mamamahayag ay may kani-kaniyang kuwento ng pagsusumikap, tagumpay, at pangarap. Sa PaSci Desktop Publishing Team ng DSPC 2025, lumalabas ang tunay na esensya ng sama-sama at walang iwanan. Narito ang kanilang mga kuwento: Para kay John Mark Lagman, ang DSPC ay isang landas patungo sa patuloy na pag-angat. Mula sa ikaapat na pwesto noong Grade 10, naging ikalawa siya sa Grade 11. Ngayon, ang layunin niya ay masungkit ang unang pwesto. Ito ay isang hakbang patungo sa mas mataas na tagumpay. Ang kanilang grupo, na hangad ang pitong medalya at pag-abot sa RSPC, ang nagsisilbing inspirasyon sa kanyang walang sawang pag-eensayo. Si Ana Celso, na dati’y nakipaglaban bilang manunulat ng lathalain noong elementarya, ay muling nagbabalik ngayon bilang taga-anyo ng pahina. Sa kabila ng kawalan ng karanasan sa high school competitions, itinuturing niya ang pagkakataong ito bilang kanyang unang laban at huli. Ang hangarin niya ay hindi lamang para sa sariling tagumpay kundi para sa buong grupo. Hindi madaling ilarawan ang nararamdaman ni Alaiza Cruz tuwing sumasali sa DSPC. Matapos ang limang taong paghinto sa indibidwal na kategorya, siya ay muling nagbabalik, bitbit ang determinasyong makamit ang unang pwesto. Sa kabila ng hirap at pagod, nananatili ang kanyang layunin: ang maghatid ng balitang makatotohanan, walang pinapanigan, at maipakita ang kakayahan ng bawat PaScian. “Nerve-wracking yet fulfilling,” wika ni Claire Domenden. Dati, mag-isa niyang hinaharap ang entablado ng DSPC. Ngunit ngayon, kasama niya ang grupo sa bawat hakbang. Ang kanyang layunin ay hindi lamang manalo kundi makabuo rin ng matatag na pagkakaibigan sa mga kasama. Bilang pinakabatang miyembro ng grupo, puno ng hamon at emosyon ang karanasan ni Leigh Ann Prado sa DSPC. Sa kanyang unang laban, nakamit nila ang ikatlong pwesto kahit hindi kumpleto ang kanilang pahayagan. Ang tagumpay na iyon ang nagbigay sa kanya ng lakas ng loob at determinasyon na ngayon ay maabot ang mas mataas na antas—walang iba kundi ang RSPC. Para kay Jensen Lee, ang DSPC ay hindi lamang kompetisyon; ito rin ay pagkakataon upang ipahayag ang kanyang pananaw sa mundo gamit ang lente ng camera. Sa loob ng tatlong taon bilang feature writer, sports editorial writer, at photojournalist, natutunan niya ang kahalagahan ng tiyaga at dedikasyon. Ngayong taon, nais niyang makamit muli ang tagumpay at ituloy ang laban patungo sa NSPC 2025. Para kay Alicia Venus, ang DSPC ay simbolo ng sakripisyo, tiyaga, at pagkakaisa. Noong nakaraang taon, kinailangan niyang gampanan ang dalawang tungkulin bilang manunulat ng editoryal at kartunista. Sa kabila nito, nakamit nila ang ikalawang pwesto at tatlong espesyal na parangal. Sa kanyang huling taon bilang pinuno ng Filipino Desktop Publishing, naniniwala siya sa kakayahan ng bawat miyembro. Anuman ang resulta, ipinagmamalaki niya ang talento at dedikasyon ng grupo. Ang bawat miyembro ng Desktop Publishing Group ay may natatanging kuwento—mga karanasan na nagbubuklod sa kanilang layunin na magtagumpay. Ang kanilang kuwento ay hindi lamang tungkol sa tagumpay kundi tungkol sa pagkakaisa, dedikasyon, at pagmamahal sa sining ng pamamahayag. Sa DSPC 2025, handa silang ipakita ang lakas at galing ng isang PaScian. #HusayNgPaSci #DSPC2025  

Caption: Ayesha Ehris SalazarLayout: Alexandra Del Villar The second week of the year has passed, with that, let us ask you something: Have you forgiven yourself for the person you didn’t become? Somewhere along the way in our journey, many of us lose touch with the person we imagined we’d become. The dreams we once shared might fade. The future we once imagined may seem like a distant memory. Regrets and disappointments come that make us feel that we’ve failed and lost everything. But the truth is, it’s never too late to begin again. When we cling to the weight of “what could have been,” we forget the beauty of “what still can be.” Allow yourself to be free from these burdens. Forgive yourself, because forgiving ourselves is to accept that we are imperfect, that we’ve made mistakes, and that those mistakes do not define us. It’s about releasing the guilt, shame, or anger that keeps us stuck to the past. Forgiveness doesn’t mean forgetting what we’ve been through or ignoring our past. Instead, it allows us to accept our journey, including the missteps, as part of our growth. It’s a way of saying, “I did the best I could with what I knew at that time, and now I know better.” Life is a series of beginnings, endings, and everything in between. The person you are today is not the same person you were a year ago—and that’s a beautiful thing. Growth is a continuous process, and every moment offers an opportunity to begin again. So, forgive yourself for the person you didn’t become. Let go of the life you thought you should have lived. Instead, embrace who you are now and take small steps toward the person you want to be.

  Unang sabak man sa kompetisyon noong nakaraang DSPC, napatunayan ni Mervyn Valdez ang kaniyang husay bilang isang tagakuha ng larawan; Kaniyang nasungkit ang ikatlong puwesto na siyang naging susi niya para makapasok ng RSPC. Ngayon, sa kaniyang huling taon sa kompetisyon, mas determinado siyang abutin ang unang puwesto at magbigay ng mga kuwento mula sa iba’t ibang tao—mga kwentong kailangang makita at maipahayag. Sa bawat pitik ng kaniyang kamera ay alay para sa makatotohanang pamamahayag. Suportahan natin si Mervyn sa DSPC 2025! #DSPC2025 #HusayNgPaSci