Republic of the Philippines

Pasay City National Science High School

Schools Division Office - Pasay City

| Christine Reeze Fernandez   Idinaos ang pangmalawakang kompetisyon na Samsung Solve for Tomorrow 2025 na pinagbidahan ng mga piling mag-aaral ng ikasiyam na baitang ng Pasay City National Science High School na isinagawa sa pamamagitan ng pagpasa ng mga entries sa digital na plataporma mula Setyembre 11 hanggang Oktubre 26.   Ang programa ay naglalayong pagtibayin ang kakayahan ng mga estudyanteng galing sa pampublikong paaralan ng Science sa paggamit ng mga solusyon sa ating komunidad na nakabase sa konsepto ng STEM. Kasabay ang paglinang at pagsanay ng kritikal at malikhaing pag-iisip.   Nagsumite ang mga mag-aaral na sina Ghea Nadera, Jenaiah Interia, Sophie Hernandez, Daryn Buco, Cedrick Ramirez, at Gabriel Alfonso ng proyekto na may titulong “SARIMAX Forecasting of Rabbitfish (Siganus) Catch Volume in Pangasinan: Evaluating the Influence of Plastic-Induced Thalassia hemprichii Decline” sa gabay nina Bb. Rexielle Villareal at Bb. Anne Falcatan.   Tagumpay na napabilang sa sampung (10) pinakamahusay na gawa ang kanilang proyekto na may layon na protektahan ang tirahan ng mga seagrass at gawing tuloy-tuloy ang pag-ani ng mga isda.   Magpapatuloy sa pinal na presentasyon sa Disyembre 3, 2025 ang mga mag-aaral na nabanggit.

| Ayesha Salazar| Dexter Ogale Inilunsad ang Division-Wide Reading Proficiency Contest para sa elementarya at sekondarya ng Pasay City ngayong Nobyembre 14 sa Padre Zamora Elementary School na may temang “Bridges of Understanding: Reading for Empathy, Critical Thinking, and Lifelong Learning.”   Nasungkit ni Martin Cedric Eneria ang Unang Gantimpala para sa ika-7 baitang sa ilalim ng pagsasanay ni Gng. Ruwena Cascayan.   Nakamit naman ni Hannah Zarren Vere ang Ikalawang Gantimpala para sa ika-9 na baitang sa gabay ni Gng. Anabella Cusi.   Nakuha naman ni Rhian Jennica Franco ang Unang Gantimpala para sa ika-10 baitang sa pagsasanay ni G. Mark Reniel Balolo.   Pumwesto rin ni Leon Corwin Manlangit mula sa ika-12 baitang ang Unang Gantimpala sa gabay ni Bb. Jean Glenn Verdera.   Ipinahayag ni G. Restituto I. Rodelas, Chief Education Program Supervisor ng Curriculum and Implementation Division, ang kanyang pagbati sa bawat nanalong kalahok sa kanyang pangwakas na pananalita.   Aniya, “Every learner here is a winner. Because every one of you chose to challenge yourselves—to grow and to believe that you can. May this experience serve as a reminder that reading will always open doors. Doors of opportunities, doors of wisdom, and doors to a world where learning never ends.”  

| Ayesha Salazar & Zacharie Macalalad| Gng. Arlyn Esber Ipinagdiwang ang World Teachers’ Day para sa mga guro ng Kalakhang Pasay na dinaluhan ng mga punongguro, kawaksing punongguro, at pangulo ng bawat paaralan sa Schools Division Office ng naturang lungsod nitong Nobyembre 12.   Naisakatuparan ang programa nang sabay sa online platform na Microsoft Teams upang masaksihan din ng mga gurong nasa kani-kaniyang paaralan.   Isinabay sa pagdiriwang ang Typhoon Relief Fundraising ng Lokal na Pamahalaan ng Pasay at ng Kagawaran ng Edukasyon bilang tugon sa mga naapektuhan ng Bagyong Tino at Uwan.   Isinagawa rin ang raffle draw kung saan nagwagi sina Gng. Mary Grace T. Dela Cruz ng ₱1,000 at Gng. Shannen Dorothy P. Gomez ng 43-pulgadang Smart TV.   Dumalo rin sa kaganapan sina Mayor Emi Calixto-Rubiano, Vice Mayor Mark Calixto, Councilor Ian Vendivel, at Councilor Luigi Calixto-Rubiano upang magbigay ng premyong salapi at maghatid ng tulong sa mga mamamayang nasalanta ng bagyo at sunog.   Ibinahagi naman ni Dr. Quinn Norman Arreza, Assistant Schools Division Superintendent ng Pasay City, ang kanyang inspiradong mensahe tungkol sa kahalagahan ng pagbibigay at malasakit sa kapwa.   Aniya, “Giving to others, whether it’s our time, resources, or support doesn’t lead to poverty or scarcity. Instead, it implies that giving can enrich our lives and the lives of others. When we give, we open ourselves up to new experiences, connections, and opportunities.”   Ipinahayag din ni Dr. Severo A. Bajado, Chief Education Supervisor for the School Governance and Operations Division, ang kanyang pasasalamat at paghanga sa dedikasyon ng mga guro sa kanyang pangwakas na pananalita.   Ibinahagi niya ang mensaheng, “We are filled with gratitude, inspiration, and joy that only great teachers can form… So, my beloved teachers, thank you for the lessons you teach in the textbooks, for the patience you show when challenges arise, and for the hope you nurture in every learner.”   Ipinamalas sa pagdiriwang na ito ang pagkakaisa ng DepEd Pasay at ng Lokal na Pamahalaan sa pagpaparangal sa mga guro habang sabay na isinusulong ang bayanihan para sa mga kababayang nangangailangan.  

| Jane Ashley Tuazon| SDO Pasay City Delegates Isinagawa ang Learners’ Convergence 2025, na dinaluhan ng ilang mga mag-aaral na bahagi ng Division Federation of Supreme Student Government, sa Dumaguete City noong ika-26 hanggang ika-31 ng Oktubre.   Inorganisa ng Department of Education (DepEd) Philippines ang Learners’ Convergence o LearnCon, na nilahukan ng mga youth leaders, partikular na mga Supreme Student Government presidents, pati na rin ng iba pang mga kinatawan mula sa mga division federation.   Layunin ng LearnCon na pagtipunin ang mga mag-aaral upang pag-usapan ang mga isyung kinakaharap ng kanilang mga komunidad at makabuo ng mga posibleng solusyon at polisiya.   Iba’t ibang thematic sessions ang isinagawa sa pagtitipong ito upang tutukan ang mahahalagang aspeto ng lipunan tulad ng leadership, governance, at community development.   Sa bawat sesyon, isang kinatawan mula sa bawat dibisyon ang lumahok upang makipagpalitan ng kaalaman at karanasan kasama ang mga delegado mula sa ibang rehiyon.   Ayon sa kinatawan ng Pasay City National Science High School na si Filha Ray Penelope Bautista, “This LCPH has not only taught me that I am responsible and capable of action, but it also made me realize that I am surrounded by fellow young leaders who share the same passion for change, service, and leadership—individuals who inspire me to continue striving for growth and to make meaningful contributions to our community. I will make sure that the learnings I gained will not only stop in Dumaguete City but will continue to grow and be shared with others in my community.”

| Adrian Banaag Isinagawa ang seremonya ng parangal para sa mga nagwaging dibisyon sa Regional Science and Technology Fair (RSTF) 2025, na may temang “Harnessing the Unknown: Powering the Future Through Science and Innovation” sa Alejandro Albert Elementary School, Manila nitong ikawalo ng Nobyembre.   Dinaluhan ito nina, Gng. Shannen Dorothy Gomez, tagapagsanay ng baitang 11, Bb. Shiella Mae Narzoles, tagapagsanay ng baitang 10, at Gng. Rosalida Sinsuan, puno ng Kagawaran ng Agham.   Pormal na sinimulan ang programa sa pamamagitan ng pagbabahagi ng mga salitang-aral ni Dr. Ronald Vincent Salva, Public Schools District Supervisor at OIC ng Office of Curriculum Implementation Division.   “These medals are not called metal; they are forged stars you have reached from the furnace of effort. One promise that your breakthrough today, that one day, it can light a thousand homes, heal a wounded reef, or cold algorithm that freezes a hungry child. Every prototype you cradled here is a bridge you are building between dream and various cities, between laboratory and legacy to the teachers, coaches, supervisors, and organizers,” ani Dr. Salva.   Unang ginawaran ng parangal ang mga Partners, Top 5 Best Shoutout, Top 5 Best Poster, at Best Display Board kung saan nasungkit ng Lungsod ng Pasay ang ikaapat na pwesto sa best display board sa SIE Team Category, Physical Science Individual Category, Life Science Team Category, at RIM Team Category.   Sinundan nito ng RSTF Challenge na pinangunahan ni Bb. Micah G. Pacheco, OIC-Chief of Curriculum and Learning Management Division.   “Go forth and continue to harness the unknown, be the power that fuels progress, be the generation that turns challenges into opportunities, and knowledge into solutions. Let your passion for science, mathematics, and innovations light the way toward a warm, resilient, sustainable, and empowered future for all. The 2025 RSTF concludes, but your journey as a young Filipino innovator has just begun,” ani Bb. Pacheco.   Matapos nito ay iginawad ang Minor Awards, Top 5 Lourdes Choice Awards, at ang Best Presenters kung saan muling nagwagi ang Lungsod ng Pasay sa kategorya ng Life Science Individual at Physical Science Individual.   Binigyang parangal din ang Top 5 Winners per Category.   Narito ang mga kalahok ng PCNSciHS at ang kanilang mga parangal: LIFE SCIENCE INDIVIDUAL CATEGORY Christine Fernandez (Tagapagsanay: Gng. Shannen Dorothy Gomez) – Best Presenter   LIFE SCIENCE TEAM CATEGORY Rolando Teves, David James Flores, Khirstin Mikee Baraan (Tagapagsanay: Bb. Shiella Mae Narzoles) – 4th Place Best Display Board – 2nd Place Best Project   PHYSICAL SCIENCE INDIVIDUAL CATEGORY Gillian Viterbo (Tagapagsanay: Gng. Shannen Dorothy Gomez) – 4th Place Best Display Board – Best Presenter – 1st Place Best Project   ROBOTICS AND INTELLIGENT MACHINE TEAM CATEGORY Steven Caleb Caibigan, Gian Marco Sumalde, Gabe Leurlee Jacieynth Sicat (Tagapagsanay: Gng. Shannen Dorothy Gomez) – 2nd Place Best Display Board   STEMIE INDIVIDUAL CATEGORY Cassandra Felicia Fallena (Tagapagsanay: Bb. Shiella Mae Narzoles)   “Matagumpay at kapana-nabik ang Regional Science and Technology Fair para sa akin ngayong taon na pinamunuan ng SDO Manila. Kitang-kita ang husay at galing ng mga kalahok sa iba’t ibang Research Categories na siya namang inabangan ng lahat at hindi maitatanggi na hindi nagpahuli sa husay at galing ang mga representative ng Pasay. Napakaganda ng naging resulta ng kompetisyon dahil bawat lungsod ay nagkaroon ng karangalan sa iba’t ibang klase ng awards. Nanalo ng Best Project Board, Best Presenter at Best Projects ang mga student researchers ng PCNSciHS. Nagpapasalamat ako nang lubos sa Panginoon sa mga karangalan na natanggap ng mga student researchers. Hindi ito magiging posible kung walang suporta galing sa kanilang mga magulang, school admin headed by Dr. Mark Anthony Familaran, school faculty lalo na ang Science Department headed by Mrs. Rosalida Sinsuan, pati na rin ang community researchers ng Pasay City National Science High School.” ani Gng. Gomez, tagapagsanay.   “Siguro for this years RSTF, mas konti yung participants natin from the school kaya mas naka focus, and masasabi ko na medyo maganda naman at mas nahigitan natin yung mga awards na nakuha natin last year. Speaking of last year’s awards, mas maganda yung results natin ngayon, mas mataas at mas maraming bagong awards tayong natanggap na hindi naman natin naaabot o nakukuha from the past RSTF. Overall, masaya at puno ng panibagong aral at kwento ang RSTF ngayong taon.” ani Bb. Narzoles, tagapagsanay.